哈波作者「戴罩」寫新作 今揭穿又是早有安排？

香港有龍小菌，英國有羅林（JK Rowling）。

作家羅林的用一支魔筆筆創作出哈利波利，大大話話都好一段日子，連哈利仔都變成了哈利佬喇，作為創作人不甘食老本是人之常情，

之後出版的《臨時空缺》（The Casual Vacancy）市場反應還不太差，可是大概因為是成名後的作品，據說她壓力也不少，

於是今次學埋龍小菌，戴個靚罩，化名退役憲兵「羅伯特．加爾布雷思」（Robert Galbraith）

幾個月前寫了本偵探小說《杜鵑的啼叫》（The Cuckoo's Calling），結果大獲好評，

據講因為寫得太好，很快便被識穿，有人就問，係咪一早安排好的宣傳呀？



其實，在出版界以別名創作十分普遍，例如雜誌不時會有一個記者負責數個欄目，多幾個分身可以顯得人才鼎盛

又例如報紙的小道消息版面，多數是集體創作，一個「李八方」或「媽咪姐」，其實是集報館眾人之大成，

話唔埋老總興之所至、收到風，亦會在此露兩手，

當然有些情況根本就是代筆，即是「我出名，你出墨」，好似呢期香港好多局長夠話自己寫blog啦，你估真係佢寫咩，道理是一樣。

扯遠了，但若說羅林預早計劃除罩宣傳，實在將marketing看得太神，本質上就是耶青口吻，咁岩得咁橋的事情，難道會是單純的巧合嗎？

當然，她的團隊沒有刻意將可追蹤的蛛絲馬跡抹掉，例如用了和《臨時空缺》同一個編輯，文筆沒有刻意模仿新手作家，反而十分老練，都是有「早晚讓你知」的安排

但究竟幾時揚晒成件事出來，恐怕就較難控制。而且仲有專家／用電腦分析過《哈》、《臨》和新作，得出是同一作家手筆的結論，相信亦未必是劇本之內。

與其諗咁多陰謀論，不如自己讀讀人家的大作，看這本偵探小說是否有趣。至於，是否一早安排的，又有乜所謂。